“HINDI na ba namin talaga kayo mapipigilan?” ngumiti lang siya sa tanong ng kanyang nanay, katatapos lang ng kasal pero hindi naman sila pwedeng manatili doon. May talyer pa siyang kailangang ayusin at ang unfair naman kay Mia kung wala siya doon at ito lang ang nagtatrabaho, may bahay pa siyang kailangang tapusing bayaran. At saka ganoon din si Eon, kailangan na rin nitong bumalik sa race track dahil matagal-tagal na rin itong wala doon dahil sa kanya at ang mga bata naman ay ilang araw na ring absent sa kanilang mga klase.
“Kailangan na talaga naming umalis nanay dahil sa may pasok pa ang mga bata pati si Eon ay may trabaho din at ako din.”
“O sige pero kapag may oras kayo bisitahin niyo uli kami kasama ng mga apo namin.”
“Sure po.” Bumali
