Pagkatapos nga naming kumain ay nakasunod lang ako kay Beth. Madadaanan kasi namin ang table nina Aya. Higit ko ang aking hininga habang naglalakad lalo na nu’ng ang lapit na namin sa kanila. Natigilan ako nang sadyain niyang ihulog ang tinidor niya.
Napatingin naman ako sa kaniya na nakatingin lang din sa ‘kin. Tapos kay Ma’am Gelly na kunot ang noo.
“Daisy, kunin mo. Don’t you know hwo he is?” malditang sambit niya. Kaagad na pinulot ko naman iyon pero kinuha rin ni Aya at sinadya pang hawakan ang kamay ko. Kagyat na nagkatinginan kami. Kita ko ang pagkunot ng noo niya. Umiling naman ako at tumayo na.
“S-Sorry po Ma’am,” wika ko at inilagay na iyon sa ibabaw ng mesa nila.
“Huwag ka sa ’kin manghingi ng pasensiya. Kay Sir Heigen ka humingi ng pasensiya,” sagot niya. Nilingon ko nam
