“IPINATAWAG ko kayong lima upang sabihin na kayo ay mapupunta sa Astral League. Sasabak na kayo sa tunay na misyon simula bukas.”
Nais kong humikab dahil inaantok ako. Malamig sa loob ng opisina ni Ginoong Peridon at kaming anim lang ang narito. Kaming tatlo ni Deianira at Zemone ang nasa harap saka si Myer at Garreth ang nasa likuran. Kanina ko pa naririnig ang malambing na bulong ni Myer kay Garreth at ang masaya nilang pag-uusap. Hindi ko maiwasang mainis ngunit sa tuwing maiisip ko kung saan dapat ako lumugar sa buhay ni Garreth ay pilit kong winawaksi ang nararamdaman ko.
Hindi ko rin kasi maintindihan si Garreth. May pagkakataong sasabihin niya na ako ang mahal niya subali’t sa tuwing nariyan si Myer ay hindi niya ako magawang lapitan.
“Ibibigay ko na sa ngayon ang magiging misyon
