KINUHA ko ang aking punyal at basta na lang tumakbo sa lugar kung saan naglalaban ang mga lobo at bampira. Marami akong nakitang nakasuot ng berdeng balabal, tiyak akong iba rin ang antas na kanilang kinabibilangan.
Sinipa ko ang umatake sa aking lobo at sinuntok ang kanyang tiyan kaya siya natumba, ngunit agad itong nakabawi ng lakas kaya tumalon sa akin at sinakmal ang aking braso. Kinontrol ko ang kanyang isipan bago pa niya tuluyang mahiwalay ang braso ko sa aking katawan. Natahimik ito sa isang tabi na parang isang maamong tuta.
Napangiti tuloy ako saka tinapik ang ulo nito. Ganoon ang ginawa ko sa ibang mga lobo ngunit may pagkakataong hindi ko nagagamit ng maayos ang aking kapangyarihan kaya nasusugutan ako dahil sa kanilang pagsakmal.
Nalingat lang ako saglit ngunit agad na nag
