PAGDATING sa Atiera ay agad kong ginamot ang natamong sugat ni Bellona. Dinala ko siya sa Siegata dahil batid kong hindi rin siya kayang alagaan ni Deianira. Pagod din ang dalaga sa pakikipaglaban kay Eloira kaya natitiyak kong mamaya o bukas pa ito magigising mula sa pagtulog.
Maingat kong dinampi ang basang tela sa sugat ni Bellona sa leeg. Dahil nagiging sagabal ang suot na balabal ay hinubad ko ito. Doon ko nakitang nangingitim ang paligid ng kanyang sugat, nilapit ko ang aking mukha upang suriin ito at natiyak kong lason ang dahilan kaya hindi pa rin naghihilom ang sugat niya kahit ilang oras na ang lumipas.
Kung dadalhin ko siya kay Reyna Selena ay tiyak na aabot sa kanyang puso ang lason, na magiging sanhi ng kanyang pagkamatay.
Marahang tumayo ako mula sa pagkakaluhod at sinara
