رواية زوجتي الدميمة

المقدمة.. -نعم!!.. أتجوز مين؟؟.. قالها "ظافر" بإبتسامة ساخرة وهو يحك جبهته ناظرًا إلى والده الذي بدا عليه الجدية في حديثـه، حيثُ تابع بثقة: -تتجوز آسيا يا ظافر، أظن إنك سمعتني كويس. نظر لهُ بعد إستيعاب وهو يقول بتهكم: -أنا واحد متجوز، مابقاليش ست شهر متجوز، عايزني أتجوز على مراتي ليه؟؟.. نظر له والده "يوسف"مرددًا بجدية: -أنا عارف أن مراتك إنسانة كويسة، بس إنت ناسي أن آسيا تبقى بنت عمك وغير كده كانت حُبك الأول و.. قـاطع والده بصوتٍ أجش: -كانت حُبي الأول، إحنا إللي بينا أنتهى. نظر "يوسف" له بـ بسمة ساخرة قائلاً: -وإيه إللي خلاها تسيبك، من عمايلك السودة. وكما توقع.. إبتسامة حزينة لوت شفتيـه وهو يرد بهدوء: -أنا كنت هتغير، والله كنت هتغير، بس هي مستنتش، مشيت وسبتني في نُص الطريق لوحدي. سحب "يوسف" نفسًا عميقًا ثم زفره على مَهَل ليهمس بعدها: -لازم تتجوزهـا يا ظافر. عبس "ظافر" أكثر وهو يتمتم: -مبقاش ينفع، وبعدين أنا راجل متجوز، وكمان عايزني أتجوزها ليـه؟؟.. رد عليهِ بصوتٍ غريب: -أقعد الأول وأنا هقولك على كُل حاجة، وبالنسبة لمراتك، فسيب الحكاية دي عليا. ****** -مش هتجوزه، يعني مش هتجوزه. قالتهـا "آسيا" بإنفعال لزوجة عمهـا وإبنة عمهـا ووالدتهـا، نظرت لهـا والدتهـا بيأس مرددة: -يابنتي هو عايز يتجوزك وبعدين إنتي بتحبيـه وهو كمان بيحبك. هتفت "آسيا" منفعلةً بعد أن فقدت قدرتهـا على الأحتمال: -هو إيه إللي فكره بيا؟؟.. وبعدين ده راجل متجوز، إزاي أتجوزه، أحرق قلب مراته، حرام عليكم، سبوني أنا إللي فيا مكفيني. قالت "بسمة" إبنة عمهـا بحزن عميق: -آسيا، متعمليش فنفسك كده، هو بيحبك و.. قاطعتهــا وقد أنهمرت دموع حارقة من عينيها: -أنا بقيت مش*هة يا بسمة، مبقتش أنفع، لا هو ولا غيره، أبوس إيد*كم سبوني في حالي، أنا تعبانة أوي. ****** في الأسفل، هتف "ظافر" بلهجة حاسمة: -وأنا هتجوزهـا، ومش هسبهـا أبدًا. هتف "يوسف" بإبتسامة: تمام يا ظافر. أستدار "ظافر" حينما سمع صوت والدتـه الصارخ وهي تقول بخوف: -ألحق يا حج، البت أُغمى عليهـا ومش عارفين نفوقهـا. ******