اسيل

الفصل السابع

رواية اسيل

للكاتبة ايه عبده النجار

الفصل..السابع

في منزل منال ..

اقتربت من الباب فور أن سمعت طرقات متفرقة ،و كأن أحدهم يحتضر خلف الباب ،فتحت بعجلة ،ليكشف الباب عن ملامح تلك اليائسة الحزينة لتقول منال بهدوء:

-حمدالله على سلامة يا بنتى ...

الله يسلمك يا طنط

قالتها أسيل بهمس، لتتقدم ترمي بجسدها المرهق إلى أقرب مقعد ،طالعت منال خطواتها المرهقة،لتغلق الباب ثم تتقدم إليها تجلس بجوارها، دبت راحة قبضتها أعلى قبضة اسيل لتردف باستعجال:

-ها يا اسيل عملتي ايه يا حبيبتي...

مطت شفتيها بحزن،ثم طالعتها اسيل لتقول :

-مفيش كل ما اروح وظيفة يقولولى مش ماشيه مع مأهلى.

منال:

- بردوا

اسيل :

كل ما اروح شركة يقولولى شاغلة، و يقولولي سافري مصر فى. الفرع التانى ليهم، و بيدوني كروت شركات كتير...

منال بقلة حيرة:

-طيب و الحل يا بنتى هتعملى ايه

اسيل بحزن:

-مش عارفة قوليلي انتي يا طنط،اعمل ايه اشتغل طيب في محل ملابس و لا اي حاجة و خلاص ..

هتفت منال بنفى:

- لا انا معلمتكيش السنين دي كلها علشان تشتغلي اي حاجة، انتى مكانگ حسب تعليمگ، اسمعى يا اسيل انتي هـ تسافري مصر و تشتغلي في الشركات دي...

وضعت قبضتها أسفل ذقنها لتقول :

- بس ازاي اسافر مصر و عمر هعمل فيه ايه دا مبياكلش الا لما برجع من برة و لا بينام الا فى حضنى..

منال :

-طيب ممكن تسافري و كل خميس تيجي تشوفيه

اسيل بنفى:

- مستحيل انا معرفش انام الا فى حضنه يا طنط..

منال بحزن:

-طيب اهدي يا حبيبتي منا بحاول افكر معاكى اهو في حل، طيب خلاص اهو اسبوع يجيلك و اسبوع انتي تيجيله و كده مرة في مصر و مرة في الاسكندرية

اسبل بحزن:

-هو حل مؤقت بس بردو مش هقدر، طنط ما تيجي تعيشي معانا في مصر...

أدارت وجهها عنها لتردف بحزن:

-مقدرش يا اسيل اسيب الاسكندرية انتى عارفة انا اموت، من ساعة ما عمگ يوسف مات الله يرحمه وانا سيبت الشغل عشان حاسة أن روحى مدفونة هنا جنب عمگ

أسرعت اسيل تحتضنها لتقول:

بعد الشر عنك يا طنط متقوليش كده،ربنا يرحمه عم يوسف انتى متعرفيش هو غالى عندي انا كمان قد ايه، دا كفاية ان ادا اسمه لـ عمر اللى عملتوه معايا محدش بيعمله مع حد...

طبطبت منال أعلى شعرها لتردف بحنان:

-يوسف دائما كان يقولى انگ نورتى حياتنا و مليتى علينا البيت و عوضينا عن الاطفال اللى مقدرناش نجيبها ، بس يا حبيبتي متشليش هم بكرة نلاقى حل طيب يلا بقى نتغدي و بكرة باذن الله تسافري تقدمي علي الشغل دا فى اي شركة ، انتى أى شركة تتمناكي انتي من الاوائل...

اسيل بهدوء:

- حاضر يا طنط فين عمر

خرج عمر من غرفته ليقول بغضب :

: انا مس موجود

اسيل بابتسامه و لمحته و هو يستخبى خلف أحد المقاعد:

-رحت فين يا عمر

وقف عمر كما هو ليقول :

- خرجت

اسيل:

- امال مين اللى بيكلمني دلوقتي

عمر :

-خياله

اسيل:

- طيب ممكن يا خياله لما يجي عمر قوله إن ماما جبتله شبكولاته

ركض عمر بسرعة باتجاها ليقول:

-هييييييه فين الشكولاته

أخرجت من حقيبتها قطعة من الشكولاته لتقول و هى تشير بها له:

-ههههههه اهي وحشتني

قهقهت منال لتقول :

-هههههه مجانين طيب يلا الغدا الاول قبل الشكولاته يا استاذ عمر

عمر بتأدب :

حاضر يا نناه....

________________

في الصباح في فيلا سيف

صحي علي صوت رنين هاتفه و ملامحه كلها غضب،امسك هاتفه و هو يقول بغضب:

- مين الرخم اللى بيتصل علي الصبح كده

اجابه سيف دون أن يدري هوية المتصل ليقول بصوت جهوري :

-الو

إجابته منار بصوت انثوى :

صباح الخير يا سيف

سيف بلامبالاه:

- صباح خير ها قولي خير

منار :

-اقول ايه

سيف:

-الكارثة اللى خلت جنابك تتصلى بيا على الصبح كده و من غير معاد ، اكيد حضرتك مش متصلة على الصبح كده بدري عشان تقوليلى صباح الخير

عقدت منار حاجبيها بغضب لتقول:

-ااولا احنا مش بدري الظهر ادن من زمان

طالع سيف الساعة بسرعة ثم قال:

-ياه انا اتاخرت فى النوم ،طيب في حاجة

منار:

مش هشوفك

سيف:

- اسف تعبان بعدين اكلمك معلش حقفل

أغلقت منار بغضب لتقول :

ماشي يا سيف اما وريتك مبقاش منار

استقام من الفراش ثم ارتدي ملابسه ،بنطلون برمودا و تيشرت نص كم ثم هبط إلى الطابق الأسفل.

ابتسمت جينات فور أن رأته لتقول:

-صباح الخير

سيف بابتسامة باهتة:

- صباح الخير يا تيتا

جينات:

- كل ده نوم

سيف:

- معلش كنت تعبان

جينات:

رايح فين

سيف بشرود:

-حنزل البسين بعد أذنك...

هزت راسها بالموافقة، ليتركها سيف متجه الى الخارج ،اقترب من حمام السباحة ،ثم خلع ملابسه ثم نزل إلى الماء ليعموم طويلا و هو شارد يعوم و هو شارد، ليشعر فجاءة بقبضة ناعمة أعلى أكتافه التفت بسرعة إليها ليراها تسبح بجواره لتهتف بابتسامة :

- اوف الميه سقعة قوي يا سيف

اتسعت أعين سيف بدهشة لا يصدق أنه يراها، بلع ريقه بصعوبة ثم أجابها بابتسامه :

-انتي جيتي

بادلته النظرات لتقول مجيبة:

-ايوه جيت

اقترب منها قريبا ليقول

-وحشتيني من زمان بدور عليكي

اسيل :

-انا جنبك اهو

جينات :

-سيف... سيف ...

فاق سيف من شروده على صوت نداء جدته ليقول:

-تيتا في حاجة

جينات:

- كنت سرحان في ايه

سبف:

- لا ابدا

جينات :

-سبف مين اسيل

اتسعت عينيه ليقول بتسائل :

-انتي ايه عرفك بيها

جينات:

: امبارح انت و نايم بتقول اسمها

خرج من البسين ثم جلس بجوار مقعد جدته ليتن*د بغضب ،طالعته جينات لتدب قبضتها أعلى شعره هاتفه بحنان:

-اتكلم

سبف :

-دي واحده عرفتها من ٤ سنين

جينات:

- و فينها

سيف:

-- معرفش عنها حاجة

جينات :

-طيب سيف انساها

سيف :

-مش قادر كل يوم بتخيلها معايا ..

لم يكمل حديثه بل تحجر صوته ليسكت ، احتضنته جينات بحنان، تدب قبضتها بحنان أعلى راسه، شدد سيف من احتضانها يطالع الحمام مرة أخري و هو يراها تطالعه بابتسامتها المرحة ..

_______________

في منزل منال

هتف عمر بعيناد شديد ليقول:

-لا

كانت تتبع خطواته لتقول:

- او

عمر بسرعة يقاطعها :

-بردو لا

توقفت اسيل عن الحركة لتقول:

-عمر اسمعني الاول انا حسافر يوم بس وارجع علي طول حاجي اخدك بس يوم واحد

عمر بدموع:

- لا

اقتربت منه اسيل بسرعة لتحتضنه هاتفة بحنان:

- معلش يا حبيبي انا لازم اسافر عشان اشتغل و اصرف علي البيت كفايه بقي تقلنا علي طنط منال ..

لم يجيبها بل استسلم لاحضانها لينعم بهما.....

اقتباس حلقة القادمة

سكرتيره:

- الاوراق يا فندم

طالعها احمد ثم قال:

- اوراق ايه هما مش خلاص خلصوا و شفنا الكل

السكرتيره :

-في 3 وصلوا متأخرين يا فندم ،تحب تشوفهم و لا نديهم معاد بكرة

احمد بارهاق :

طيب خليهم يستنوا روحى انتى

ابتسم محمد ليطالع كاميرات المراقبة ليقول:

وريني اوبا الثلاثة اجمل من بعض...

طالعهم احمد بعجلة ليقول:

جمال ايه اللى بتتكلم عنه ،و انا اللى كنت همشى عشان تعبان و اقولك شوفهم انت ..

محمد بلهفة: