أوهام عشقك وقدري

الروايه نصف واقعيه نصف خياليه ❤ حبيبي ونور عيوني وحياتي يا من ملكت حياتي، لأجل عينيك عشقت الهوى، ولأجل عينيك أحببت الهوى، ولأجل عينيك سأصير امرأة. أحّبك ليس لما أنت عليه، ولكن لما أكون عليه عندما أكون معك. نزلت علي السلالم برفقة ابيها ترتدي فستان زفاف واضعه يديها في يد ابيها تبتسم بسعاده غامره تنظر لحبيبها ومن اسر قلبها وهو يقف بطالته الجذابه التي تجذب الأنظار شعرت كأنها ستحلق في السماء من فرط سعادتها غير مصدقه انها واخير ستتزوج به هو لا غيره لتصبح واخير علي مقربه منه وابيها يحتضن الاخر ويقول له = حطها في عنيك ابتسم الاخر بعشق قائلا = هحطها في قلبي قبل عنيا ثم يبتعد والدها ليقترب الاخر منها قائلا بحب جارف = واخيرا بقيتي ملكي يامن ملكة قلبي = اه واخيرا احتضنها بشوق وعشق وهي تضمه لاحضانها بشده لتقول بسعاده = بحبك ... بحبك لتنتفض بفزع من علي السرير عندما وجدت دلو ماء يسكب عليها ووالدتها تقول ببرود = قومي ياموكوسه دا كان حلم ياختي حلم ... شهد بصوت اشبه علي البكاء حينما عرفت ان هذا كله ليس إلا حلم قائله = ولما انتي عارفه اني بحلم بيه كنتي سبيني احضنو شويه هتفت والدتها بسخريه قائله = بتحضنيه ولا بتحضني المخده هتفت بصدمه وهي تنظر إلي المخده المتواجده علي الفراش = المخده عندما أنام أحلم أنني أراك، بالواقع وعندما أصحو أتمنى أن أراك ثانية في أحلامي هتفت بحزن = يلا احسن من مفيش والدتها بمراوغه = مانا قولتلك كذا مره روحي اقعدي مع عمتك اسبوع ولا اسبوعين وخلي الواد يتعلق ببيكي بدل ماواحده تانيه تعلقو وتلهف الملايين الي معاه تضايقت من تفكير والدتها قائله = يا ماما ميت مره اقولك انا بحبو هو وبس مش بحب فلوسو ومش عايزه فلوسه ولا تلزمني قدام نظره من عينه او كلمه والدتها بحنق = دا الي فالحه فيه = الفلوس مش كل حاجه هتفت والدتها بسخط = لا ياحبيبتي الفلوس كل حاجه .. الفلوس تجبلك شقه في مكان نضيف والفلوس بردو تأكلك احسن أكل وتلبسك احلي لبس .. عجبك الفقر الي احنا فيه شهد بهدوء = بس احنا مش فقرا احنا من الطبقه المتوسطه وانا شايفه ان كلامك ملهوش اساس من الصحه بالع** احنا عايشين احلي عيشه وبناكل احلي اكل من ايدك الحلوه والدنيا تمام معانا والدتها بغضب = انتي وابوكي زي بعض غاويين فقر ثم خرجت تاركه اياها تاففت من طريقتها ليتها تغير تفكيرها قائله = نفسي اغير مفهومك يا ماما بس اعمل ايه الي في دماغه حاجه محدش يقدر يغيرها بعد مرور ساعه ❤ انتهت من اخذ حمامها وارتداء ملابسها المكونه من چيبه شيفون مبطنه وبلوزه بأكمام واسعه وضعتها في الچيبه ووضعت حزام في الچيبه وفردت شعرها ونظرت لنفسها في المرأه قائله باعجاب = وربنا قمر ياشهد فكانت شهد تتميز ببشرتها البيضاء وعيونها البنيه وشعرها البني ... ثم هتفت بحسره قائله = للأسف كل الجمال ده هيدارا في الطرحه وبحماس = بس لما اتجوز انا ويشار اكيد هبقا علي طبيعتي قدامه وهيشوف شعري الطويل ... امتي يجي اليوم الي هتجوزو فيه !! ثم ارتدت الحجاب وبعد ذلك سمعت امها تقول بصوت عالي = يلا يا شهد هنروح عند عمتك هتفت بفرحه قائله = بتتكلمي جد ثم بزعل قائله = بس انا لازم اروح الكليه عندي محاضرات مهمه امها بحنق = المحاضرات ولا يشار يا شهد ابتسمت قائله بهيام = يشار طبعا و تغور المحاضرات انا طول عمري فاشله اصلا = طيب يلا يافاشله هانم خرجت لوالدتها قائله بتنبيه = اوعك تصغريني قدامهم وبلاش الحركات الافرنجي دي عشان بت**فيني وبتقلي مني = كله عشان مصلحتك شهد بلوم = وعشان مصلحتي تروحي تقولي لعمي عا** ثم قلدت والدتها قائله بتريقه = دي بتعرف تطبخ ونفسها حلو في الأكل دي عليها صنية بسبوسه انما ايه روعه وانا اصلا مبعرفش اطبخ امها موضحه قائله = يابت افهمي ... انا كده بكبرك قدامهم وبوريهم انك كبرتي وبقيتي عروسه يعني يحسو علي دم اهلهم ويطلبوكي لابنهم = بس مش بالطريقه دي يا ماما ... انتي كده بتخليهم ياخدو فكره وحشه عننا هتفت والدتها بضيق قائله = انتي تسكتي خالص مش ليكي تتجوزيه وانا هجوزهولك **تت لان الجدال معها لايعود بنتيجه فهذا تفكيرها ولا يستطيع احد تغييره ... نزلو من البنايه وركبو تا**ي للذهاب لفيلا عائلة الشناوي رن هاتفها برقم صديقتها ابتسمت وفتحت المكالمه لتقول = مش جايه متستنيش لتشهق الاخري قائله بعصبيه = نعم ... انتي مش قايلالي امبارح انك جايه = قولتلك بس مقدرتش انفذ كلامي سمر بسخريه = لي ان شاءالله هي اليدي شهد وراها حاجه = ايواا وراها ... راحه عند عمتي = ياحلاوه يا ولاد .. يشار مره واحده الله يسهلك ضحكت شهد قائله = اه زي مافهمتي بظبط ادعيلي بقا ثم اغلقت المكالمه لتقول امها بضيق = مش قولتلك متكلميش البت دي عن حاجه تخص ابن عمتك حصل ولا لا شهد بالامبالاة = اه بس دي صحبتي وعارفه اسراري كلها = مانتي غ*يه ... قدري لفت علي الواد وخدته هي عند تخيلها ان يشار سيصبح لأخري شعرت بغضه في حلقها قائله بنفي = لا لا ياماما ان شاءالله حلمي هيتحقق وهتجوزو دا انا بدعي ليل نهار يبقا جوزي ... اصلك متعرفيش انا بحبو قد ايه ....................... ❤❤❤❤❤❤❤❤ ذهبو إلي ڤيلا عائلة الشناوي ... فور دخولها لحديقة الڤيلا شعرت بالراحه وهي تري الاشجار والورود والمناظر الطبيعيه .. خطط لداخل الڤيلا فأحست ببعض التوتر واذدات دقات قلبها اقتربت منها عمتها ولكن لاتدري ماذا تقول فكانت شارده تبحث بعينيها عنه تري اين هو ؟؟ جلست هي ووالدتها علي الكراسي التي توجد في نصف الفيلا تريد ان تسال عمتها عنه ولكن احرجت من السؤال واكتفت بال**ت .. ظلت والدتها تتحدث مع عمتها .. اما عنها فحدقت بعمتها تحسدها لا ليس علي ماتملكه بل لانها تري محبوبها دائما وتتحدث معه وتجلس معه ... رائهم ابن عمتها الثاني واقترب منهم وسلم عليهم ثم جلس بالكرسي جانبها واقترب منها وهي شارده قائلا بخفوت = علي فكره هو مش هنا لتخرج من شرودها مندهشه مما سمعته لتجده يضحك ساخر عليها لتقول بضيق = بطل ضحك يالاا ليتوقف عن الضحك وابتسم قائلا وهو يغمزها = حاضر هبطل ... بس مش عايزه تعرفي اي معلومه كده ولا كده شهد نافيه برغم انها تريد معرفة مزيد من الاخبار عنه قائله = لا ليتن*د الاخر قائلا = علي العموم اخويا في المكتب وهيجي بليل متأخر لان عندو شغل كتير لتهتف بضيق قائله = وانت مش بتساعد اخوك لي يا رخم ... عيل فقيق باسل بسخريه = قلبك عليه اووي لتهتف بثقه قائله = اكيد مش ابن عمتي ابتسم قائلا بتسليه = بس عقدت حاجبيها بتعجب قائله = انت عايز اي = مفيش غيري فاهمك هنا .. اي رائيك تيجي تقعدي معانا اسبوع واخليكي تتقربي منو = نفس كلام امي بردو .. بس مينفعش هتف باسل بدهشه = لي مينفعش = لاني لو اتقربت هيفهم تقربي منه غلط وهياخد فكره وحشه عني باسل ساخرا = هو لسه هياخد .. ماهو خد من زمان = احلف ضحك باسل علي هيئتها المصدومه قائلا بهدوء = اه والله .. مشكلتك امك لو تبعديها شويه عنك هيقدر يعرفك وقتها اما بوجود امك الدنيا بتخرب ثم اكمل بقهقه عندما تذكر احدي المواقف قائلا = هههه فاكره لما كنتو هنا من شهر ويشار جه سلم عليكم وقالتلو دي ملهاش سيره غيرك ونفسها تبقا زيك في ذكاءك ولما كان خارج الجنينه وامك شبطت وقالتو خد شهد معاك بره تتهوي روحي يابت مع ابن عمتك شهد بضيق = اسكت دي بتحطني في مواقف ببقا هموت من **وفي بسببها ليكمل هو قائلا = المشكله ان وقتها يشار كان بيقول عليكي بت رخمه وتبته صرخت بدهشه قائله = هااا انا تبته التفت لها والدتهت وعمتها التي قالت = في حاجه يا ولاد هتفت باسل بنفي = لا ياماما .... هنخرج نقعد في الجنينه اخذها باسل وخرجو للجنينه ثم جلسو علي الكراسي امام حمام السباحه .. ليقول باسل بلطف = متزعليش بقا يا شهد ... امك السبب في الي حصل = طيب والعمل دلوقت باسل بتفكير = تعالي اقعدي عندنا فتره وهيغير تفكيرو نحيتك شهد باقتناع = تمام موافقه اجي .. بس هاجي بحجة اي باسل بتفكير في شئ يجعلها تجلس معهم بصفه مؤقته = قولي ان عندك امتحانات واختك مزهقاكي ومش عارفه تذاكري ... ووقتها عمتك هتقولك تعالي اقعدي عندنا فتره يا شهد ... خلاص اتحلت اقتنعت بكلامه قائله = فكره حلوه ابتسم باسل باستمتاع قائلا = بقولك ايه ... متسيبك من يشار خالص واتجوزك انا دا حتي يشار شديد في التعامل وهيطلع عينك لتهتف شهد بحب = حتي لو فيه العبر عايزاه بردو .... القلب ومايريد يابني باسل = قدري اتجوزك بس من غير حب .. هل هتعرفي تتأقلمي مع واحد مش بيحبك ؟؟ ردت بهيام = حبي له يكفينا سوا .... = تخيلي هو بسبب قلة الحب يروح يحب غيرك وقتها موقفك اي نظامو شهد بحزن = هسيبو نهائي يكفي اني عملت حاجه نفسي فيها .......................... ❤❤❤❤❤ انتهت الزياره وعادت شهد لبيتها مره اخري .. حزنت لانها لم تراه اليوم كانت تريد رؤيته فقد اشتاقت له كثيرا .. دخلت غرفتها وغيرت ملابسها وجلست علي الفراش وامسكت هاتفها وفتحت اميلها وسجلت خروج لتدخل من إميل اخر .. ابتسمت بمكر فور ان فتح الأميل ووجدت منه رساله .. فقد كانت ستجن من قلة رؤيتها له والحديث معه لتأتيها فكره جهنميه بأن تقوم بعمل اميل اخر وهمي وتحدثه منه علي انها فتاه اخري .. ونجحت فكرتها عندما وجدت منه انه قبل طلب الصداقه .. انتظرت فتره ولم تأتي منه رساله وكأنه قبل من دون ان يري من الذي ارسل الطلب ... لم تيأس ودخلت علي المحادثه وارسلت له رساله ليفاجاءها عندما رد عليها لتظل ترسل له رسايل وهو يراسل ايضا متذكره اول رساله ارسلتها له (انا اسمي منارا وبصراحه انا معجبه بشخصيتك جدا ولو مفيهاش اساءة ادب ممكن نكون اصدقاء ) لتتفاجأه برده (اكيد طبعا ) تضايقت حينها لانه رد عليها وخافت من ان يكون يحادث اخريات غيرها ... ظلو قرابة الثلاث شهور يتحدثون وكل يوم تزداد قوة صداقتهم .... واليوم لم تراه في منزله لذلك ستحادثه من اميلها الوهمي ووحدت منه رساله جديده فتحتها لتشهق بزهول وتمنت ان تكون الرساله موجه ل شهد وليس ل منارا فكانت الرساله محتواها (وحشتيني علي فكره) سعدت شهد كثيرا وكتبت له رساله محتواها (وانت كمان وحشتني) ليأتيها رده قائلا (نفسي اشوفك ) لتتذكر انها لم تراه اليوم قائله لذاتها بحزن =وانا كمان نفسي اشوفك لتقوم بارسال رساله له (ان شاءالله) (هستناكي في مطعم ** الساعه سبعه يوم الاتنين ومش هقبل الرفض مفهوم) صرخت ووقفت علي الفراش وكأن حيه لدغتها قائله = يالهوووي بيقولي عايز يشوفني .. هعمل ايه في المصيبه دي ... لو عرف اني شهد هروح في داهيه وبابا هيعرف ومش مهم ماما هي عارفه اني بحبو بس متعرفش اني بكلمو من اميل وهمي ... لتكمل ببكاء = انتي ضيعتي يا شهد انهارده السبت والميعاد بعد بكره .. لاااا ......................... ❤❤❤❤❤ في اليوم الثاني ذهبت للكليه وحضرت محاضراتها ولكن لم تفهم شئ وكل تفكيرها يدور حول كيف ستذهب وماذا سيحدث حينها .. ستفضح بالتأكيد امام عائلته وتسخر منها اخته فهي بالاساس لاتحبها وتتعامل معها بتكبر نظرا لانهم عائله كبيره غنيه اما هي شهد من عائله بسيطه ... كانت سعيده من محادثاتهم لم تتوقع يوما ان يطلب مثل هذا الطلب ...لقد طلب وقرر بنفسه ويريد التنفيذ ... ايعقل ان يكون شاكك بها .... اقتربت منها صديقتها تحادثها ولكن هي شارده في تفكيرها لتقول الاخري بصوت عالي = شااااااااهد شهد بفزع قائله بضيق = اي يا سمر خضتيني ابتسمت سمر قائله وهي تغمزها بعينيها = سرحانه في اي يا حلوه .. ليكون في المز = بصراحه ااه هتفت سمر باستنكار قائله = مش عارفه يشار ده واكل عقلك علي ايه .. زيه زي اي شاب لترد بهيام وهي تتذكر ملامحه قائله باعجاب = هو في زي يشار قمر = خلاص عقلك طار بسببو ترددت في اخبارها قائله بتوتر = اصل يعني ... في مشكله صغيره اوي عقدت الاخري حاجبيها باستفهام قائله = مشكلة اي شهد بهدوء = فاكره لما قولتلك اني بكلمو من اميل وهمي = اه مالو فهتفت بضيق = طلب يشوف منارا يوم الاتنين ... سمر بالامبالاة = طيب وفيها اي ماتروح منارا تقابله شهد بحنق = يا نابغه عصرك منارا دي هي انا .... هتفت سمر بفزع قائله = يانهارااا ازرق ... طيب والعمل تن*دت قائله = مش عارفه بفكر لسه .... لو روحت هتفضح رسمي نظمي إلا لو ثم نظرت بتدقيق ل سمر لتقول سمر بتعجب = بتبصي كده لي ؟؟ ابتسمت شهد بمكر = لقد توصلت لحل نهائي = وايه الحل من وجهة نظرك ابتسمت شهد قائله = الحل ان لازم واحده غيري تروح تقا**ه علي اساس انها منارا وبعدين هتتعشا معاه وتمشي ونرحع تاني نكلم بعض في الفيس من الاميل الوهمي ولا كأن حاجه حصلت = حلو .. وهتبعتي مين بدالك ... وضعت يديها علي كتف سمر قائله بابتسامه ثقه = العبد لله .. الي هو انتي شهقت الاخري قائله بزهول = انتي اتجننتي رسمي ... عايزاني اروح انا = مفيش حد غيرك هثق فيه .. لازم تروحي سمر نافيه بتوتر قائله = لا يا شهد مش هينفع قدري عرف اني مش منارا او شاف بطاقتي = عادي لو عرف هتقوليلو ان ليكي اسمين واحد منارا والتاني سمر شردت سمر فيما تطلبه منها شهد قائله بحيره = مش عارفه هتفت شهد باستعطاف = عشان خاطري يا سمر ... يرضيكي اتفضح قدام عيلته ولا اخته ساره تشمت فيا وتسمعني كلمتين وحشين .... لتقول الاخري بتوتر = طيب عشانك هروح ... سعدت شهد قائله بفرحه = تسلمي يا قلبي ... خلينا نفكر هتلبسي اي هتفت سمر بضيق وهي تنظر لملابسها الرثه التي لايوجد غيرهم لديها نظرا لفقرهم الشديد قائله بحسره = معنديش لبس مانتي عارفه الحال ... فكرت شهد في شئ وتذكرت انها لديها مال تريد شراء به ملابس جديده قائله بلهفه = معايا خمسمية جنيه كنت هجيل بيهم طقم للكليه بس مش مهم هجبلك بيهم دريس حلو وطرحه تروحي تقابليه بيهم ابتسمت سمر بارتياح قائله = الي تشوفيه ذهبو سويا ل احدي المحلات واشترو دريس نبيتي شيك وعليه طرحه ببضاء وصندل كعب ابيض وودعتها وذهب كل منهم لبيته ... ................................ ❤❤❤❤❤❤❤ في منزل شهد جلست علي الكنبه في انتظار انتهاء والدتها من طعام العشاء .. فتحت اميلها الوهمي وجدت منه رساله استفهام لتتذكر انها قفلت امس بعد رؤيتها للرساله لتقوم بارسال رساله بالموافقه علي كلامه وانها ستاتي غدا ...وقامت بقفل الهاتف لتسمع جرس الباب يرن وتسمع صوت والدتها العالي تقول = افتحي الباب ياشهد فتحت الباب ووجدت دبدوب علي الارض وعليه جواب فتحت الجواب لتري المدون عليها (حبّك **ت يستعصي على الألفاظ التعبير عنه) قهقة علي كلام المرسل قائله = قول والله دخلت الشقه وقفلت الباب لياتيها صوت والدتها = مين يا شهد = محدش باماما دخلت غرفتها والقت الدبدوب بأهمال واتجهت لتفتح شرفة غرفتها وفور ان فتحتها وجدته امامها في البنايه المقا**ه ذلك الشاب الذي يكبرها بسنتين يحبها بجنون ولكن هي لاتريد ولكن لم يكف عن بعث الهدايا لها وكأنه يريدها ان تفكر به ولو قليل حتي تتقبله ابتسم لرؤيتها لتقهق بصوت عالي قائله = اقسم بالله مجنون ... ليتجده يفتح اغنيه (بنت الجيران شاغله انا عنيه وهموت عليها ربي العالم بيا ) ضحكت علي طريقته = هههههههه سوري بس انا منشنه علي حد معين لو مخدتهوش هيجيلي شلل نصفي .. روح شوفلك بنت جيران غيري باي باي وقفلت وابتسمت ساخره علي حالهم دائما ما يكون سبب في سعادتها ولكن ما باليد حيله فهي تحب شخص اخر .. فمن نحبه لايحبنا والذي بحبنا لا نحبه ...................................... ❤❤❤❤❤❤❤ في اليوم التالي ذهبت شهد للجامعه واتفقت مع سمر علي كل شئ ولكن قلقت بشأن ان تخطئ الاخري في الكلام لذلك فكرن في شئ افضل ... بعد انتهاء المحاضرات ذهبت للمنزل وفي المساء ذهبت لعند سمر وساعدتها في ارتداء الملابس إلي ان انتهت سمر وقبل ان ترتدي الحجاب احضرت شهد من حقيبتها سماعات اذن لتندهش الاخري قائله = مش فاهمه ... عايزه ايه بدول شهد بتوضيح ماتفكر فيه قائله = السماعات هتحطيهم في ودنك وتوصليهم بالتليفون وتحطي التليفون في جيب البنطلون الي تحت الدريس وهرن عليكي دلوقت وتفتحي وتسبيه مفتوح لحد ماتخلصي المقا**ه وتيجي سمر بتعجب = إي لازمته ... مفيش داعي ليهم هتفت شهد بأصرار فليس لديها طريقه اخري غير هذه لتعرف مايقال في تلك المقا**ه لتقول = لا في داعي ... يشار ممكن يسألك علي حاجه انتي متعرفيهاش وهكون انا الي عارفاها اكيد يبقا هتقوليلو اي لما يسألك ... دا غير ان لازم اكون معاكي في كل كلامك واعرفك تتكلمي تقولي ايه ... = اه فهمت اخذت السماعات ووضعتهم في اذنيها وفعلت كما قالت شهد وانتهت ووضعت حجابها ونزلو سويا واوقفت تا**ي وقبل ان تركب سمر هتفت شهد قائله = متتوتريش والموضوع هيمشي عادي بس خليكي معايه اول بأول انا شاحنه باقه كبيره تكفي عشر ساعات مكالمه متواصله كمان... = تمام .. ودعتها وذهبت شهد لمنزلها وجلست علي السرير واضعه الهاتف علي المكبر تسمع مايدور حول سمر ليأتيها صوتها = انا وصلت يا شهد = عظيم اووي .. ادخلي المطعم دخلت سمر تتلفت يمين ويسار تبحث عنه فهي تعرفه من الصور التي تريها لها شهد حتي انها من كثرة حديث شهد عنه انتابها فضول بأن تدخل علي صفحته الشخصيه لتعرف عنه اكثر ... ليقترب منها موظف الاستقبال قائلا ببشاشه = اتفضلي يا فندم .. بتدوري علي حد معين هتفت بتوتر = اه فين يشار بيه = تقصدي يشار بيه الشناوي = ايواا هو اومأ لها وارشدها علي مكانه قائلا = اتفضلي حضرتك هو فوق في الدور التاني من المطعم = متشكره اوي صعدت للدور الثاني بتوتر وخوف .. بحثت عنه لتقع عينيها عليه يجلس علي طاوله منفرده في نهاية الصاله لتقترب منه بتردد .. ظل ينظر في ساعته كل حين وينظر في اتجاه الباب لما تأخرت ؟ لتقع عينيه علي فتاه تأتي في اتجاهه ليعقد حاجبيه باستغراب ليراها اصبحت علي مقربه منه قائله بتوتر = حضرتك استاذ يشار ... انا منارا تأملها بدهشه فقد وجد امامه فتاه ليست بالقصيره ولكنها متوسطة الطول بيضاء البشره وملابسها محتشمه ولكن لم يشعر انها منارا تلك الفتاه التي كان يحادثها ليقف وابتسم بصعوبه قائلا = اه اهلا يا منار ومد يده ليسلم عليها ثم قال = اتفضلي اقعدي جلست امامه ليشاور علي waiter ويأتي ويعطي كل منهم منيو .. احتارت في اختيار الطعام وشعرت بالغرابه من اسماء الأكلات .. ليقطع حيرتها قائلا بابتسامه = تحبي اختارلك انا هتفت بسرعه وكأنه طوق نجاه لها فهي لأول مره تدخل مطعم كهذا لاتراهم غير في الافلام والمسلسلات قائله = يا ريت والله اختار لنفسه ولها واعطي المنيو ل waiter وذهب .. كانت صامته لا تتحدث لتسمع كلام شهد تقول = حلو اووي خليكم ساكتين لأخر المقا**ه ... بت يا سمر هو اختارلك اكل ايه بظبط اوعي يابت يحطلك حاجه في الأكل .. هو اه ابن عمتي بس معرفش بينيل ايه في حياته سمر في داخلها تريد الفتك بشهد بسبب كلامها الكثير (يخربيتك اسكتي بقا ودني اترشت) ليقطع ال**ت صوت يشار يقول بجديه = هتفضلي ساكته كده كتير ... انا متعودتش عليكي ساكته **تت لتسمع الاخري تقول (يااه بيحب كلامي ...قوليلو عشان اول مره اقعد معاك لوحدنا والكلام في الشات غير الكلام في الحقيقه)لتقول سمر له : = لان اول مره اقتد معاك لوحدنا والكلام في الشات بيختلف عن الحقيقه = لا خدي راحتك ... بصي اعتبريني مش موجود واتكلمي لتسمع الاخري تهتف بهيام (ياخراشي علي صوته وهو هادي ونبي عسل ) لتضحك سمر بصوت عالي ليعقد حاجبيه باستغراب قائلا = ايه الي بيضحك صقت علي اسنانه بسبب ضحكها وقد نسيت انها تجلس معه لتقول بتوتر = اصل افتكرت حاجه كده = طيب ماتفكريني معاكي = لا لا مش مهم ليأتي waiter ويضع الطعام امامهم لتنظر سمر بدهشه للأكلات واخذت معلقه وهمت بالأكل ليبتسم الأخر بتسليه قائلا = الاكل دا بيتاكل بالشوكه والسكينه .. شكلك ملكيش في الاتكيت ... لتسمع رد الاخري بحنق (اتكيت ايه يا ابو اتكيت الله يرحم جدك مأمون كان بيغمس الشكولاته بالعيش )لتنفجر سمر في الضحك ولاتتوقف ليقول الاخر بدهشه = هو كلامي بيضحك للدرجادي ... هتفت بتردد محاوله اختراع شئ يخرجها من مأزقها قائله = لا اصل انت فكرتني بمره كنت بجرب اكل بطريقة الاتكيت ووقتها حتت اللحمه طارت ولبست وش الزبون الي في التربيزه التانيه شهد بدهشه (كدابه اصلي مفيش كلام ) قهقه يشار قائلا = كنت بشوف الموقف دا في الافلام بس متوقعتش انه يبقا حقيقه اصراحه شهد (ماهو نفس الفيلم الي شوفتو حضرتك هي اقتبست منو المقطع دا) لتقول سمر بابتسامه = الافلام معظمها بتيجي من الحقيقه بردو = يمكن واكملو طعامهم وبعد فتره انتهو وطلب يشار عصير له ولها ليقول يشار وهو يرتشف رشفه من العصير =صحيح .. اي اخبار كليتك هتفت بهدوء = تمام الحمدلله ليقول = بتذاكري؟؟ .. تقريبا الامتحانات هتبدأ استمعت للطرف الثاني ثم ردت عليه قائله بابتسامه = ايواا بذاكر ومن اول السنه كمان .. ليبتسم ابتسامه جذابه قائلا = اقل من امتياز مش هقبل شردت في ابتسامته قائله = ربنا يسهل ظلت تتأمله لبرهه يختلف كثيرا عن الصور وشخصيته جميله وجديه يتميز بالكثير عن الشباب الاخرين جمال وذكاء وشخصيه كبيره غير انه غني لالا مليونير بالتأكيد ماذا فعلت شهد في حياتها لتستحق هذا الشخص ببميزاته التي تبهر اي فتاه ... لا يقارن بأحد مما يتقدمون لها .. نظرت نظره شامله للمطعم الفخم وابتسمت بسخريه علي حالها وبالتأكيد سيدفع الكثير في عشاء مثل هذا ... عشاء كهذا يكلف اكثر من مرتب ابيها الشهري وبدله مثل التي يرتديها بالتأكيد تكلف الكثير ... حقدت علي شهد لانها تريد كل هذا لوحدها فقط .. زكيه تلك الفتاه التي تحب وتخطط للزواج من شاب غني يجلب لها كل ماتحتاجه .. شهد بارعه حقا !! ... قطع **تهم قائلا بابتسامه = تحبي تاكلي حلويات او ايس كريم ... لتسمع رد الاخري تقول(قوليلو لا لحسن يفكرك طفسه) =لا مش عايزه انا شبعت .. اكملت وهي تهم بالوقف قائله = عن اذنك هروح التواليت ... اومأ لها لتتركه وتدخل الحمام وتمسك مكرفون السماعه قائله بتأفف = شهد انا زهقت .. وعايزه امشي (تمام قوليلو انك هتتأخري علي البيت ... واه اوعي تخليه يوصلك) خرجت واخذت حقيبتها قائله وهي تهم بالمغادره مما جعلته يتعجب قائلا = ملحقناش نقعد ... لتقول مسرعه = انا اسفه بس هتأخر علي البيت ... هكلمك علي الفيس اوك اومأ لها وعدل من هيئته واخرج حفنه من المال ووضعها علي التربيزه لتخ*ف نظره مما وضعه وصارت معه للخارج وعندما هم ان يقترب من سيارته لتقول = انا هاخد تا**ي عرض عليها ان يوصلها في طريقه قائلا = هوصلك انا احسن ردت بأسف قائله = معلش يا يشار لو حد شافني نازله من عربيتك هيتكلم والناس مابترحمش يشار بقلة حيله قائلا = الي تشوفيه .. بس اكيد هنتقابل تاني هتفت بلطف = ان شاءالله