Kinabukasan, maagang gumising si Katallea. Pupunta ang kaniyang ama sa Brgy. Saradama at gusto niyang sumama upang mabisita niya ang taniman doon. Nais din niyang malaman ang lagay ng mga tauhan nila at kung ano ang mga kailangan pa sa plantasyon. Higit sa lahat, gusto niyang makausap ng puso sa puso ang papa niya.
Si Geo ay maaga namang bumalik ng Maynila kaya hindi na ito nakita pa ng dalaga. Nabanggit lamang ng kaniyang mga magulang na babalik ulit ang binata pagkalipas ng isang linggo para mapaghandaan ang nalalapit na kasal nila ni Clarise.
Ang kapatid ng dalaga ay halos ayaw kumain. Depress na ito at gusto ng magpakamatay subalit tiniyak ni Katallea sa kapatid niya na hindi niya ito pababayaan. Nag-utos din siyang bantayan palagi ito at baka kung ano ang gawin ng dalaga dahil hind
