Habang nagbabasa ng mga balita sa internet ay napako ang tingin ni Geo sa isang feature article ng mga young businessmen and women sa Pilipinas. Kararating niya lamang mula sa ibang bansa kung kaya’t gusto niyang maging updated sa business news dito sa Pilipinas. Nag-iisip na rin kasi siya kung paano mas palalaguin pa ang negosyo ng pamilya niya. Nagulat pa siya sa nakita sa website na iyon, Si Katallea San Sebastian!
"She’s more beautiful than ever," saad ng binata. Laman ng article ang mga pinagdaanan ng dalaga at kung paano siya nagtagumpay sa pag-e-export ng mga saging at pinya. Marami ring mga produkto pa ang dalaga kaya hinahangaan siya ng marami. Bukod pa iyon sa ilang mga resorts na naipatayo nito sa loob ng napakaikling panahon lamang. Napangiti ang lalaki sa mga nalaman niya
