Chapter 25:Allergy
Sa kalagitnaan nang gabi, napauwi ako nang wala sa oras. Sinugod daw sa ospital sa Tito nang bigla itong atakihin. Hindi ko alam kung may history ba talaga ang pamilya namin sa mga sakit sa puso pero wala akong ibang maramdaman ngayon kung ‘di lungkot ngayong nakaratay si Tito sa hospital bed, kritikal ang kondisyon. Wala akong ibang marinig kung ‘di ang tunog ng makinang natatabunan ng pag-iyak ni Leighanne at Tita.
Dahil sa dami namin ay iilan lang ang nakapunta rito sa ospital. Naiwan sina Tito George at Tita Alice sa bahay kasama ang iba naming pinsan katulad nina Kuya Vern, Ate Rhysse, Andre, at ang iba pa. Si Mama, Tita, at Leighanne ang nagsugod kay Tito. Dito naman kami dumeretso ni Cosmo matapos na namang muntik nang may mangyari sa amin.
Ayaw ko mang isipin
