CHAPTER 10
BRIELLE’S POV
“Oh, ’di ba po? Tama ako, ’no? Masarap?” naaaliw na tanong ko kay Boss Dragon. Panay ang nguya nito sa barbecue na ibinigay ko.
“Yes! Puwede na rin!” tipid na tugon niya.
“Hmp! Kunwari ka pa riyan, Sir! Puwede mo namang aminin na totoong masarap! Nahihiya ka pa!”
Bahagyang sinagi ko ang kaniyang balikat sabay ngiti. Wala naman siyang naging reaksyon.
“Tikman mo rin itong kwek-kwek ni Aling Puring, Sir. Siguradong magugustuhan mo!” Ibinigay ko ang isang cup na puno ng kwek-kwek. Sagana ito sa sukang maraming pipino at sibuyas na puti.
Nakamaang lang siyang nakatingin sa ibinigay ko.
“Anong klaseng pagkain ito? Bakit kulay orange?” ignoranteng tanong niya na parang ngayon lang nakakita ng ganoon.
“Hala! Saang planeta ka ba nagmula, Sir? Kwek-kwek ang tawag d
