“SIR, SERYOSO po kayo doon sa sinabi ninyo kanina? Paaalisin talaga ninyo ako kapag hindi ko tinanggap ang proposal mo?” usisa ni Bettina. Nakabalik na sila sa kuwarto ni Raiden at pareho na silang nakahiga sa kama. Pero nakatalikod sa kanya ang binata.
Hinarap siya ni Raiden. “Kung hindi ka naniniwala, wala na talaga akong magagawa. Pero kung ano iyong sinabi ko, paninindigan ko iyon kahit mahirap at masakit.”
Napa-buntunghininga si Bettina. “Sige, Sir. Pag-iisipan ko ang sinabi ninyo.”
“Hindi mo ba ako tatanungin kung ano naman ang mangyayari kapag tinanggap mo ang proposal ko?”
Hindi agad nakasagot si Bettina. Ilang segundo siyang hindi umimik. Pero nang mapatingin siya sa mukha ni Raiden ay titig na titig pa rin ito sa kanya na para bang kinakabisado nito ang buong mukha niya.
“Ok
