ABALA sa pagbabasa si Bettina nang biglang bumukas ang pintuan ng kuwarto ni Raiden. Hindi niya ito pinansin. Tuloy pa rin siya sa pagbabasa.
“Bettina, anong ginawa mo sa cellphone na iniwan ko? Kanina pa kita tinatawagan pero hindi nagri-ring ang cellphone. Pinatay mo ba?”
Patamad na ibinaba ni Bettina ang kanyang binabasang libro. Pagkatapos ay tumayo siya at lumakad patungo sa TV. Kinuha niya roon ang cellphone ni Raiden saka ito inabot sa boss niya. “Na-lowbatt, Sir.”
“Paanong na-lowbatt ito? Iniwan ko ito kanina na full charged. Anong ginawa mo?”
Bumalik muna ng kanyang upuan si Bettina bago niya sinagot ang kanyang boss. “Nag-music ako kanina. Hindi ko namalayan na na-lowbatt pala. Wala naman akong charger kaya hindi ko nai-charge.”
“What the hell!” gigil na sabi ni Raiden.
Li
