AFTER FIVE YEARS
“Hanggang ngayon hindi ka pa rin nagpapagupit, bro?”
Napalingon si Raiden kay Edmark na tinapik pa ang balikat niya bago ito umupo sa tapat niya. Nasa Majesty Restaurant sila noong oras na iyon dahil doon ang usapan nilang magkikita. Isang linggo pa lang ang lumipas mula nang makalabas ang kaibigan niya mula sa piitan.
“Ano naman ang problema mo? Hindi mo naman katawan ito,” walang ganang sagot ni Raiden.
“Oh! Ayaw mong maging concern ako sa iyo? Bakit ka naman ganyan? Samantalang noong nagkakaproblema kami ni Hershelle, panay ang paalala mo sa akin. Tapos tinutulungan mo pa siya kahit hindi naman kita inuutusan. I’m just returning you a favor. Besides, we’re bestfriends since elementary days,” nakangiting sabi ni Edmark.
Binugahan lang ito ng hangin ni Raiden. “I do
