HINDI agad binitiwan ni Raiden ang kamay ng babaeng nagpakilalang Jezreel. Umaasa siyang may mamumuong spark. Pero hanggang ang babae na ang kusang bumitiw ay wala pa rin naman siyang maramdamang kahit ano. Walang reaksyon mula sa katawan niya.
Weird! Paano nangyari iyon? Kamukhang-kamukha ng babaeng kaharap niya si Bea pero bakit wala siyang maramdaman dito?
“Are you alone? Wala ka bang kasama o hinihintay?” ani Raiden para mawala ang awkwardness sa pagitan nila ng babae dahil iyon lang ang nararamdaman niya ng oras na iyon.
Umiling ang kaharap niya. “Mag-isa ko lang. Dumaan lang naman ako dito para mag-take out ng pagkain. Aalis din ako agad kasi may duty pa ako mamayang alas-otso.”
Agad na napatingin si Raiden sa suot niyang relo. Eksaktong alas-siyete na ng umaga. Binalingan niya
