- Candy -
Pagkarating namin sa dry and wet market ay marami ang tao. Dahil siguro linggo ngayon at kahit patanghali na ay hindi nauubusan ng mga tao.
Pero hindi agad kami nagtungo doon dahil naghanap ng mapa-parking si Leandro. Mabuti na lang ay may katabing police station ang palengke. Pagkahinto ng motor ay maingat akong ibinaba ni Leandro. Gumilid ako habang pinaandar ni Leandro ang kaniyang motor at ng bumaba ito ay lumapit ito sa nakatayong pulis.
Pinapanood ko lang si Leandro sa kausap nitong pulis. Nagulat pa ako ng biglang sumaludo ang pulis sa kaniya.
Kinusot ko ang isang mata ko kung tama ba ang pagkakakita ko. Maya-maya pa ay may tinawag sa loob ang pulis at may lumabas na tatlong pulis habang ang nangunguna roon ay mukhang hepe.
“Kilala niya ang kapulisan dito?" mahina
