MASAYA si Cameron sa mga magagandang nangyari sa buhay niya at sa hacienda. Marami ang naging pababago sa Hacienda Cattleya. Umuwi sa Mahiwaga si Eduardo, ang panganay na apo ni Lola Ancia. Ito na ang namahala sa buong hacienda kapalit ni Sir Utoy. Nagtungo na sa lungsod ang ama ni Damian upang mas makasama nito ang asawa nito. Ayon kay Damian ay plano ng mag-asawa na maglibot sa buong mundo.
Mahusay sa pamamahala si Eduardo. Innovative at makabago ang approach nito. Kung tutuusin, tila naghati sina Eduardo at Damian sa pamamahala. Kay Damian nakaatang ang lahat ng bagay na may kinalaman sa mga hayop, kay Eduardo naman ang lahat ng sakahan at taniman. Ngunit mas nais ni Damian na ituring na si Eduardo ang tagapamahala sa lahat. Ang mga desisyon nito ay pinaaaprubahan pa rin nito sa nakata
