Apat na araw ang lumipas, at sa loob ng mga araw na iyon ay hatid-sundo ako ni Drew sa shop. Paminsan naman ay sa condo niya ako natutulog, pero gaya ng mga nakaraang araw ay hanggang halik lang ang nagagawa namin na labis kong ipinagtataka. Tila may mali, dahil siya lang ang lalaking hindi naghangad ng mas pa sa halik.
Hindi ko alam kung gano'n ba talaga siya o dahil sa pangakong binitiwan niya sa mga magulang ko. Pero sa kabilang banda ay nagpapasalamat ako dahil safe ang pinakaiingat-ingatan ko kapag siya ang aking kasama. Magagawa kong halikan siya nang hindi nag-aalala kung saan iyon patungo. Marunong siyang magpigil kapag sa tingin niya ay lumalagpas na kami sa limitasyon. Minsan ay ako pa ang nabibitin sa tuwing titigil siya sa paghalik sa akin na labis niyang ikinatutuwa.
Tinang
