Napako ang aking paningin sa nakabukas na pinto kung saan nakatayo si Drew. Abot hanggang tainga ang pagkakangiti niya habang nakatingin sa gawi ko.
"Hello, Baby," saad niya. Tila hindi man lang niya napansin na may kausap ako dahil diretso siyang naglakad papalapit sa akin. "Am I late?" Nababanaag ko sa mga mata niya ang saya dahil nagniningning iyon.
"Hi," tipid kong tugon dahil nagtataka ako kung papaano siya nakapasok sa higpit ng mga bantay ko sa labas. Nanatili akong nakaupo dahil sinalakay ng kaba ang dibdib ko.
"For you, Baby." Iniabot niya sa akin ang bulaklak, yumuko siya saka hinalikan ako sa labi. "I love you," saad niya pa na tila ba ipinaparinig iyon kay Mila.
Hindi ko alam kung bakit hindi ako nagreklamo sa ginawa niyang paghalik sa labi ko. Ilang beses na niya iyong
