"Wala rito si Ate Rosel!" dinig kong sigaw ni Martin nang pababa siya sa hagdan. "Kung gusto mo siyang makausap, pumunta ka sa condo ni Kuya Drew. Doon na siya nakatira."
"Ang landi-landi ng Rosel na 'yan! Alam na niyang asawa ko na si Robert gusto pa rin niyang sulutin. Nag-aaway kaming mag-asawa dahil sa kaniya! Ilabas mo ang kapatid mo, Martin. Alam kong nariyan siya."
"Ba't ba ang kulit mo, ha, Ate Mila? Wala nga rito si Ate Rosel. At saka anong pinagsasabi mo na malandi ang ate ko?" Damang-dama ko sa boses ni Martin ang inis. Gusto kong lumabas pero pinigilan ako ni Faye. Napapailing na lang si Mama.
"Totoo naman, ah. Ang landi ng ate mo. Nilalandi niya ang asawa ko!"
"Hindi malandi ang ate ko. At saka sino ba ang nang-agaw ng boyfriend ng may boyfriend, aber?" pabulyaw na tugon n
