Tulala ako kahit umaandar na ang sasakyan ko palabas sa eskwelahan. Halo-halo ang nararamdaman ko. Ang bigat ng dibdib ko at panay ang pag-iinit ng sulok ng mga mata sa magkahalong galit, inis, pagod, at sakit.
Pinagpatuloy ko ang pagmamaneho habang nakatutok lamang ang malamig na tingin sa daan at mahigpit ang bawat kabig sa manibela nang biglang tumawag si Gideon.
Napatingin ako sa cellphone ko at sinagot iyon.
“Oh, Leigh? Nasaan ka na? Sabi ko’y hintayin mo ako, eh. Nandito pa kami nina Sanders,” bungad nito sa tawag.
“I’m sorry, Deon. I need to go home. Pinatatawag ako ng daddy,” sabi ko na lang at binalik ang tingin sa daan.
“Oh... ganoon ba?” Bakas ang pagkadismaya sa boses nito.
Hindi ko na pinatagal ang pag-uusap namin ni Gideon at pinatay ko na rin ang tawag. Wala sa s
