“DAVE, hindi ako interesado sa pandesal mo! Bahala ka nga diyan!” asik ni Dana nang makabawi sa pagkabigla. Nagmamadaling bumaba siya ng hagdan at nilagpasan na lang ang binata.
Nang makarating siya sa dining room ay inabutan niya si Manang Mercy na tinatakpan ang mga inihandang pagkain.
“Manang, ako na po ang bahala dito,” bungad niya sa kasambahay.
“Ah, sige, Ma’am. Magandang umaga po pala sa inyo,” nakangiting sambit nito.
“Magandang umaga rin po,” ganting tugon ng dalaga.
Tinanguan siya ni Manang Mercy saka ito umalis.
Umupo na rin si Dana. Pagkatapos manalangin ay naglagay na siya ng pagkain sa plato niya. Eksaktong nakasubo na siya nang dumating si Dave.
“Mukhang gutom ka na, ah,” puna ni Dave nang umupo sa tapat niya.
Tinanguan lang ito ni Dana. Ayaw niyang magsalita dahil
