NANG MAGSAWA si Dana sa panonood ng TV ay naisipan niyang umakyat sa kanyang kuwarto. Pinilit niyang makatulog para hindi niya maisip si Dave. Nang magising siya ay magdidilim na. Nagmamadali siyang bumaba at hinanap si Manang Mercy. Naabutan niya ito sa kusina.
“Manang, ang sabi po ni Dave kaninang tanghali ay ngayong gabi siya uuwi at dito siya maghahapunan,” imporma niya sa kasambahay.
“Ah, sige, Ma’am. Maghahanda kami ng masarap na ulam,” wika naman ni Manang Mercy.
Pagkatapos nang pag-uusap nila ay dumiretso na sa sala si Dana. Natuon na naman ang kanyang atensyon sa maliit nakahon na nasa ibabaw ng center table. Natutukso talaga siyang kumuha ng kahit isa lang dito. Pero naisip din niyang mas maganda pa rin na magpaalam siya kay Dave. Siguro naman ay hindi nito ipagdadamot ang bag
