KINAGABIHAN ay sinundo na ni Dave si Dana. Bagaman wala nang dalang bulaklak ang binata, inaya naman nito ang dalaga na mag-dinner uli sa bahay ng Uncle nito. Pero tumanggi ang dalaga. Katwiran niya ay kailangan siyang makauwi nang maaga para hindi mag-alala ang kaibigan niyang si Ira. Hindi na namilit ang binata. Inihatid na nito agad ang dalaga sa boarding house.
Halos isang linggo rin na ganoon ang routine ng dalawa. Tuwing umaga ay susunduin ni Dave si Dana sa sakayan tapos ihahatid nito sa Imperial Bank. Bago pa makababa ng sasakyan ang dalaga ay iaabot ng binata ang isang paper bag na naglalaman ng pananghalian niya. Pagdating ng gabi ay susunduin naman siya nito mula sa trabaho at ihahatid pauwi.
Natapos ang isang linggo nang matiwasay. Hindi nangulit si Dave tungkol sa panliliga
