Napatitig ako sa juice na inihanda ng asawa kong si Angel.
Hindi ko maintindihan kung bakit napapadalas ang pagsakit ng ulo ko at nabablangko ako.
Nakakaramdam din ako ng pagkahilo.
Tipong kahit hindi ko iniisip ang nakaraan ko, sumasakit ang ulo ko. At iyon ang ipinagtataka ko.
Ayon naman sa Doctor, maayos na ang kalagayan ko at kailangan ko lang na maghintay na kusang bumalik ang memory ko.
"Babe, inumin mo na ito. Mawawala ang lamig nito."
Nakaupo ako noon at nakatayo ito sa harapan ko habang nakayapos ang braso nito sa leeg ko.
"Mamaya na." At saka ako tumayo.
At dahil may maliit na pool sa itaas ng bahay kaya tumungo ako roon at naligo.
Pero ang totoo, gusto ko lang makaiwas.
Dalawang taon na rin kaming nagsasama nito simula ng magising ako sa pagkaka-comatose. Pero wala pa
