"Grabe ka. Anong palagay mo sa akin, sawatan?"
Nagtawanan sila. "Anggaling mo na talaga! Natandaan mo ang word ko!"
Ang sawatan ay ang pinaikling salita ng sawa at kawatan. "Biro lang. Ano ka ba! Alam ko namang hindi ka ganoon. Kaya lang may kasalanan ka rin dahil ipinanganak kang maganda. Insecure pa rin ako sa'yo dahil mas maganda ka pa rin sa akin."
"He! Tumigil ka nga! Maganda tayong pareho!"
"Kaya mahal na mahal kita eh!" Tumayo na ito at sinalubong ang nobyo nito. May binulong ito sa nobyo habang palapit sa kanya.
"Dave, meet my friend, Carmela."
"Hello, Carmela!" Iniabot nito sa kanya ang kamay kaya gumanti na siya ng bati rito.
"Sumama ka na sa amin. Kain tayo sa Jaws place. Masarap doon. Paborito nitong si Dave ko roon," wika ni Eli sabay sandig sa balikat ng nobyo.
"Yah,
