BIGLANG sumeryoso ang mukha ng multong bakla habang nakatitig siya sa akin. Nakakakaba naman ito. First time na may multong hihingi sa akin ng tulong at for free pa. Oo, inasahan ko na libre ang magiging serbisyo ko sa kanya kung sakali dahil saan naman kukuha ng pera ang multong ito, eh, dedz na nga siya. Iisipin ko na lang na practice lang ito, paghahanda para sa paghahanap ko sa kaluluwa ni Ella.
Nakatingin pa rin sa akin ang multong bakla. Akala mo ay maduduwal siya na ewan. Problema nito?
“Titingnan mo na lang ba ako o sasabihin mo kung ano ang maitutulong ko sa’yo?” tanong ko.
“Ano ka ba? Humuhugot lang ako ng lakas para sabihin ko. Okey, ganito kasi iyan. Isang kotse ang nakabangga sa akin at tumama ang ulo ko sa bato kaya natepok ako. Gusto ko lang naman na tulungan mo akong ala
