Alas-sais pa lang ng umaga kinabukasan pero gising na agad ang buong bahay.
Mula sa kusina ay naririnig ko na iyong sunod-sunod na tunog ng kawali habang nagluluto si Mama ng almusal. May mahinang tugtog pa ng radyo malapit sa refrigerator habang si Papa nama’y abala na sa pag-aayos ng ilang dokumento sa dining table.
Monday.
At ramdam na ramdam ko iyon.
Mainit pa lang iyong kape sa hawak ko pero parang gusto ko nang humiga ulit sa kama matapos iyong weekend.
“Calli, ihatid mo nga itong photocopy kay Papa mo,” sambit ni Mama habang nagsasalin ng scrambled eggs sa plato.
Tumayo ako mula sa upuan saka iniabot kay Papa iyong folder.
Naka-polo shirt na siya kahit maaga pa at may suot nang salamin habang chine-check iyong passport at plane ticket niya.
Three days na lang.
Babalik na ul
