Pagkatapos ng aking trabaho ay umalis na rin ako. Pagdating ko nga sa labas ay nakita ko ang kotse ni Leon. Hindi madalas lumalabas si Infernu. Parating si Leon ang sumusundo sa akin. Hindi ko rin natanong kung bakit. Pero ang sabi niya ay dahil hindi safe ang paligid. Naglipana ang kalaban niya kaya malimit siyang nakikita. Kung nakalalabas naman siya ay paniguradong secured bawat lugar.
Pumasok na ako sa loob ng kotse at umalis na rin kami kaagad. Nakita ko ang ibang daang tinahak namin kaya paniguradong deritso ito sa mansiyon ni Infernu. Hindi na rin ako nagreklamo pa. Pasasaan pa ang reklamo ko at nag-usap na kaming susundin ko siya. Bumaba na ako nang makarating at pumasok na sa loob. Hindi pa man ako tuluyang nakapasok ay napakunot ang aking noo. Narinig ko ang tawa ng isang babae
