Matapos ang nakakapagod na araw ay palabas na ako ng campus nang makita ko ang busangot na mukha ni Bela. Kumunot naman ang noo ko dahil papunta siya sa akin.
“May gagawin ka ba?” tanong niya sa akin. Kahit na dapat ay mamimili ako ng ulam namin sa dorm pero umiling na ako dahil napapansin kong bad mood siya.
“Good, then follow me,” saad niya. Hindi naman na ako nagsalita pa at sumunod na sa kaniya. Patuloy lang kami sa paglalakad at huminto sa may bus stop.
“Saan tayo pupunta?” tanong ko sa kaniya.
“Somewhere to steam off my anger,” sagot niya. Pumasok na kami sa loob ng bus at punuan iyon kaya nakatayo lang kaming dalawa. Nakita ko naman ang babae sa gilid na nahihirapang nakatayo. Ang lalaking nakaupo naman na patawa-tawa lang habang nakatingin sa babae. Tiningnan ko si Bela at
