Nakita niyang nasa malapit na sila sa dagat at mukhang nasa private resort sila dahil parang walang tao ang malapad na paligid na malapit sa tabing dagat. May nakita din siyang bungalow house sa unahan. Narinig niyang tumunog ang cellphone nito, tatlong beses iyon at pinatay ni Bricks ang cellphone. Nagtaka na siya nang hindi na napigilan ang sarili ay tinanong niya ito.
'' Mukhang nasa malayo na tayo, Bricks. Akala ko ba magla-lunch lang tayo?'' Tanong niya.
''Naisipan ko kasi na ipasyal ka dito sa private resort namin. Binili ito ng kapatid ko na nakapangasawa sa France at para din bakasyunan namin,''sagot ni Bricks.
''Narinig kong tumunog ang cellphone mo mukhang importante yata yon dahil ilang beses na tumawag sayo. Hindi ka na macontact ni'yan dahil naka-off na ang cp mo,'' wika ni
