DAVE
Hindi siya makapaniwalang napatitig sa ina niya. Harap-harapan nitong binabastos si Nadia, at hindi niya iyon nagustuhan.
"Mom, what are you up to? Bakit ganoon ang pagsasalita mo sa girlfriend ko? Masaya ka na ba na nakakasakit ka ng ibang tao?"
She folded her arms, and raised her brows. Nakita niya sa mukha nito ang inis.
"Hindi kita pinalaki ng gan'yan para pagsalitaan mo ako, Dave. Ina mo ako, at dapat mo akong respetuhin. Nagsasabi lang ako ng totoo kung ano siya, at kung saan siya lulugar. Wala siyang karapatan na tumapak sa pamamahay ko."
Napahilamos siya sa kanyang mukha, at palakad-balik siya habang nakapameywang. Sinapo niya ang kanyang noo, at minasahe ito. Sumasakit ang ulo niya.
"Hindi ko gusto ang pambabastos mo sa kanya, Mom. Mahal ko siya, at dapat naman na magi
