DAVE
Inilibot niya ang kanyang paningin sa paligid niya. Nababakasan ang mukha ng mga bisita ang kasiyahan, at galak. Nagpapalakpakan ang mga ito. Puno ng hiyawan ang maririnig sa paligid niya nang nagsimulang maglakad patungo sa direksyon niya si Patricia. Wala siyang nararamdaman na kahit na ano habang napatitig sa babaeng magiging asawa niya.
Napatingin siya kay Nathaniel nang bigla siya nitong siniko.
“Ngumiti ka nga. Para kang namatayan diyan. Kasal mo ito, Dave.”
Hindi siya nagkomento sa sinabi nito, at napatingin na lamang siya sa kanyang ina na nakangiti habang pinagmasdan si Patricia na naglalakad sa aisle. Ang ama naman niya ay tipid na ngumiti, at pumalakpak din habang nakatitig kay Patricia. Napailing na lamang siya dahil sa nadismaya siya sa mga ito. Wala talagang konside
