LIESELOTTE
HANGGANG MAKAUWI kami ng bahay ni Boss Caius ay hindi niya ako pinapansin at dahil iyon sa pinakain kong soup number five sa kaniya. Hindi ko naman kasi alam na may batuta ng toro ang sangkap niyon. Hindi ko tuloy alam kung anong gagawin ko para mabawasan ang highblood niya.
Napabuntong-hininga ako at pabagsak na humiga sa kama ko ngunit agad akong napabangon nang tumunog ang aking cellphone. Kumunot ang noo ko dahil wala naman akong inaasahang tawag ngayon. Nanlaki ang mata ko bigla nang makita ang pangalan ni Boss Caius sa screen. Huminga muna ako nang malalim at sinagot ang tawag.
“Boss Caius! Hindi ka na ba galit sa akin? Pinatawad mo na ba ako? May kailangan ka ba? Kahit ano ibibigay ko. Gusto mo ng tubig, kape o juice? Gusto mo sayawan kita ng otso-otso—”
“Lieselotte
