"Wow, congratulations!" natutuwang saad ni Jenny kay Wenggay dahil sa mga nakuhang award. Marami siyang medals at ang mga napanalunan niya hanggang sa palarong pambansa ay ibinigay matapos ang flag ceremony. Sa gym sila pinapuntang lahat. Magmula elementarya hanggang high school ay siya lang ang nakarating sa palarong pambansa na ginanap pa sa Palawan. Sikat na sikat tuloy siya.
"Punta ka sa bahay mamaya. Nagluto si mommy ng handa," nakangiting aya niya kay Jenny. Agad naman itong tumango. Naghanda pa talaga ang mommy niya pero hindi pa rin siya nakalusot sa pag-re-review. Noong linggo lang siya dumating kasama ang ama. Saglit lang siya nitong pinagpahinga saka muling pinagbasa ng mga aralin. Malapit na ang finals nila at bakasyon kaya kailangan niyang makahabol.
Nang matapos na ang prog
