"Bakit? Ayaw mo bang makasama ako sa kama? Gusto mo pang matulog kasama ang mga alalay na iyan!" sigaw bigla ni Selena.
Parang nagising mula sa pagkakatulog si Alkan dahil sa lakas ng boses nito. Napaupo siya nang tuwid at luminaw ang kanina ay malabong tingin. Anong nangyari sa kaniya? Bakit sumisigaw si Selena? Ang huli niyang naalala ay inabutan siya nito ng basong may lamang alak.
Napatingin siya sa hawak niyang baso ng alak. Naubos na ang laman no'n at hindi siya mangmang para hindi maisip ang nangyayari. May mali sa alak. May mali sa hangin. May mali sa mga sirena. At higit sa lahat, may mali sa katawan niya.
Nabitawan niya ang hawak na baso at narinig na lang niya ang kalansing at ingay ng nabasag na baso sa sahig. Biglang uminit ang pakiramdam niya. Pinagpawisan siya nang mal
