Humarap ako sa salamin bago bumuntong hininga. Binuksan ko ang gripo at hinayaan lamang ang tubig na patuloy na tumulo sa sink. Ayokong maging tahimik ang paligid ko ngayon, nandito siya kaya ayokong makaramdam ng kaba, ng awkwardness, o kung ano pa man.
Nang matapos ako ay hinihiling ko na sana, paglabas ko ay wala na siya ro'n. Ayokong nagdidikit ang mga balat namin, para akong napapaso kapag gano'n! Nang buksan ko ang pinto ng cr, bumungad pa rin siya sa harapan ko. Hindi pa rin talaga siya umaalis!
"Hayaan mong tulungan kita ulit," saad ng lalaking kanina pa nakaabang sa akin. Eh, ano pa bang magagawa ko? Hindi ko nga siya napigilan kanina, eh, ngayon pa kaya? Hinayaan ko na lamang siya hanggang sa makabalik ako sa higaan ko.
"Eat this." Binigay niya sa akin ang isang orange fruit n
