“Dahil iyan naman talaga ang rason ng larong ito, p*****n lalo na ‘pag dumating na ang guild war.”
Wala siyang kibo nang marinig niya iyon. Ano ba ang alam niya sa Guild war? Wala. “Ah… Zach!”
Lumingon ito sa kaniya. “Hmm?”
“Ah… maniniwala ka kaya sa sasabihin ko?”
“And why would I not? You are my girlfriend, Amulet. Kahit man lang dito sa mundong ito, gusto kong bawiin ang salitang pinabayaan kita.”
Namula siya sa sinabi ni Zach at matagal bago nakaimik.
“What is it?”
“Nung time na nawalan ako ng malay at dinala ni Maskoro sa Rock City, naalala mo ba?”
“Yeah.” Nagtagis ang bagang nito kaya hinawakan niya ang kamay ni Zach at pinakalma ito. Iniisip pa rin nito na kasalanan nito ang lahat kung bakit muntikan siyang namatay.
“Ang totoo niyan, nung mawalan ako ng ulirat. Nagising ak
