ANGEL
Lumipas pa ang isang buwan at natapos ko na lahat ayusin ang papers ko, dumating na din ang VISA at ticket ko. Ready na lahat ng gamit na dadalahin ko para sa pag alis ko bukas, dalawang maleta at isang hand carry ang dala ko. Sila ate Rita rin ang sasalubong sa akin, mamaya ay pupunta ako ng mall para bumili ng ilang pagkain na ipapasalubong ko kay ate Rita. Hindi man siya humihingi , pero gusto ko siyang bigyan para na rin pasasalamat sa tulong niya sa akin.
"Anak, nandito si Raf, may lakad daw kayo?" tawag sa akin ni Mama.
"Opo ma, palabas na po." sigaw ko naman para marinig niya ako.
Inabutan ko si Raf na kausap si Papa, mukang nagkakasiyahan pa sila at panay ang tawa ni Raf.
"Anong meron? Mukang ang saya-saya niyo naman?" nakangiti kong bungad sa kanila.
"Wala naman anak,
