YUAN'S POV:
"Naya anak, pumasok ka na!"
Napabitaw kami ni Naya sa malalim at mapusok naming halikan na marinig si nanay Celia na tinatawag na ito mula sa loob ng bahay! Dama ko ang kakaibang bilis ng t***k ng puso ko habang magkalapat ang aming noo at may ngiti sa mga labing nakatitig ako dito.
"Pumasok na muna tayo, Naya." Pabulong saad ko dito.
"Sandali lang, Rohan." Mahinang sagot nito na niyakap ako.
Napalunok ako na napangiting ipinulupot ang braso sa baywang nito na niyakap ito pabalik. Alam kong mali. Mali itong nagsisimulang mabuong pagtitinginan sa amin ni Naya. Dahil may asawa na ako. Pero kahit suwayin ko ang sarili. Pilit ipagsiksikan sa isipan na may asawa na ako, kusang lumalambot ang puso ko pagdating kay Naya. Na tipong ayaw ko nang umalis sa tabi niya. Kung pwede
