NAYA'S POV:
A few weeks later.
MAHIRAP bawat araw ang lumipas sa akin. Idagdag pang nagsimula na rin ang morning illness ko sa paglilihi. Wala akong kagana-ganang kumain at napaka-sensitive ng pang-amoy at panlasa ko. Kapag may hindi ako nagustuhang amoy ay dumuduwal ako. Gano'n din kapag may halong bawang at sibuyas ang pagkain ko.
Inaalagaan ako ng pamilya ko. Kahit naman kasi ipagtabuyan ko sila ay hindi nila ako iniiwan. Lalo na ang mommy at daddy na palaging nasa tabi ko. Sa silid ko na nga sila natutulog para masamahan ako.
"Naya, may dala akong prutas. Baka sakali magustuhan ng panlasa mo. Noong ako kasi ang naglalangtao, hinahanap-hanap ito ng panlasa ko. Natatakam ako kapag naiisip ko ito," saad ni ate Jenelyn, ang asawa ni kuya Noah.
Pilit akong ngumiti na pinakiramdaman
