Sigurado ako sa pakiramdam ko, alam ko na kung bakit niya tinatatanong ang mga bagay na 'yon. Mukha kasing gusto niya si Josiah kaya ayoko nang ituloy pa ni Josh ang balak niyang sabihin kanina. Halata naman kasi kay Daphne na naghihintay siya ng sagot mula sa kanya dala ng kuryosidad niya. Kaya kung gusto man nga niya ang kaibigan ko, maganda nang hindi niya malaman na gusto ako ni Josiah dahil baka masaktan siya bigla. Saka, para rin hindi magbago ang kung ano ang meron sa kanila.
Malay ko ba kung si Daphne na pala ang para kay Josiah tapos masasayang pa ng dahil doon, hindi ba? Pag-ibig na nga naging bato pa? Kahit naman hindi gano'n kaganda ang pakiramdam ko sa presensya ni Daphne, mukhang mabuti naman siya para kay Josiah. Sadyang ako lamang siguro talaga ang hindi komportable sa kan
