Calista
I OPENED MY EYES. Akala ko ang sasalubong sa akin ay mga anghel sa kalangitan, pero naalala ko na marami akong kasalanan kaya maaaring hindi ako sa langit mapunta.
Ganoon pa man, mukhang hindi ko pa oras dahil imbis na langit o impyerno ang bumungad sa akin, nasa ospital ako. Napansin agad ni Ced na gising na ako kaya mabilis siyang lumapit sa akin.
“Cali! Oh, my god!” Bumuhos ang luha niya nang makita ako. “You’re awake! Let me call my mom!”
Tinangka kong bumangon nang mapansin ko na may mga nakaturok pala sa akin. Naramdaman ko rin ang sakit ng katawan ko kaya hindi ko na itinuloy.
Napatingin ako sa pulso ko at nakita ko na may bandage iyon. Hindi ko alam ang nangyari pero mukhang roon ako napuruhan.
Bumukas ang pinto at pumasok ang isang doktor. Maganda ang doktor at hindi
