[Pamela]
PAGKALABAS niya ng elevator ay bumuga muna siya ng hangin. Nasalubong niya si Zandro ng malapit na siya sa opisina ni Alaric. Tumango lang sa kanya ang kaibigan ng asawa niya. Sanay na siya sa mga ito. Hindi palangiti pero naniniwala naman siya na hindi masamang tao ang mga ito. Sadyang ganoon lang sila, maliban kay Liam na palaging nakangiti.
Nagpaskil siya ng ngiti sa labi bago pumasok sa opisina ni Alaric. Nakakunot ang noo nito habang nakatingin sa hawak na mga papeles.
Tuluyan ng gumihit ang ngiti sa labi niya habang nakatingin dito. Kahit na kunot ang noo nito ay napaka-gwapo parin nito. Nakasandal ito sa swivel chair habang hawak ng isang kamay ang papeles na binabasa. Nakatupi hanggang siko ang suot nitong kulay puti na long sleeves. Seryoso ang kulay berde nitong mata
