Dumating na ang araw na pinakahihintay ng lahat. Ang bakasyon na matagal nang pinaghandaan nina Az kasama sina Danica. Habang nag-aabang sina Danica, Ma-an at Paula ay hindi nakaligtas sa mga mata ng dalawa ang hitsura ni Danica. Maayos naman ang suot nito. Sa totoo nga nagkaroon ito ng sense sa fashion si Danica nang makasama niya si Az, pero ang ipinagtataka ng dalawa ay ang mata ni Danica na tila nangangalumata o halos magdoble ang eye-bags.
"Girl! Anyare? Ang ganda ng get-up mo pero parang puyat ka?" usisa ni Paula.
"Oo nga! Teka! Umiyak ka ba?" saad naman ni Ma-an, lingid sa kaalaman ng dalawa dinamdam nang husto ni Danica ang nangyari noong moving up ceremony. Umiiyak siya sa kwarto at hindi halos makatulog. Hindi rin kasi niya maunawaan dahil ilang araw na ring hindi siya tinatawa
