Maagang pumasok si Danica sa eskwelahan. Kailangan na kasi nilang ihanda ang lahat para sa gaganaping moving-up ceremony ng mga bata. Pumasok muna siya sa classroom niya para icheck kung mag estudyante na roon. May mangilan-ngilang dumating na at nakaupo lamang sa mga silya nila. Hinayaan muna niyang maglibang ang mga ito at pumunta siya sa faculty. Eksakto namang pagpasok niya ay nandoon na sina Ma-an at Paula. Kinatok niya ang pinto upang makuha ang atensyon ng dalawa.
"Good morning, teachers!" bati niya sa dalawa na abalang nag-aayos ng gamit nila.
"Yes! Ano pong kailangan nila? Mamaya pa po ang rehearsal ng mga kids," wika naman ni Paula na saglit lang tiningnan si Danica. Tila hindi nila ito nakilala.
"Girls! Ano ba? Ako ito?" wika ni Danica. Napakunot ang noo ni Paula sa sinabi ni
