JOSIE
HINDI MAPUKNAT ang malapad na ngiti sa labi ko habang naghuhugas ng mga mamahaling pinggan at dahil iyon sa mga ginawa ni Sancho ngayong araw, mukhang bumabawe dahil sa nangyari kahapon. Hinanapan niya ako ng pansamantalang babysitter ni Nathalie at hinatid niya pa ako dito sa restaurant kahit na may trabaho pa siya. Hindi man lang ako nakapagpasalamat dahil nagmamadali siyang umalis kanina.
“Ano?! Wala si Greta?!”
Sabay kaming napalingon ni Mikay sa nagsalita at nakita ang Sous Chef na namumula ang mukha na para bang bulkan na sasabog dahil sa galit. Nilingon ko si Mikay na mukhang nag-aalala din dahil wala yung isang Chef na si Greta.
“Anong problema?” tanong ko kay Mikay na nagpatuloy sa paghuhugas.
“Si Chef Greta ang naka-assign sa pagluluto ng Filipino foods na kadalasa
