JOSIE
“JOSIE MAE ALEJO? Nasaan si Josie Mae Alejo?”
Natigilan ako sa paghuhugas ng marinig ko ang pagtawag sa aking pangalan. Salubong ang kilay ko na nagpunas ng kamay at dali-dali na nilingon ang babae. Kung hindi ako nagkakamali ay siya rin yung babaeng gusto akong paghintayin sa labas ng restaurant noon. Tumikhim ako at itinaas ang aking kamay upang makita niya ako.
“Ako po si Josie Mae—“
“Pinapatawag ka ni Sir Napoleon sa opisina niya ngayon na, bago ka umuwi. Sumunod ka sa akin,” anito at walang sabi-sabing tumalikod. Naglakad ito palabas ng kusina kaya naman ay nataranta akong lakad-takbo na sumunod sa kaniya. Nakita ko siyang naka tayo sa malapit sa pinto at nang makita ako ay tinaasan niya ako ng kilay saka siya nag-lakad papunta naman sa elevator.
“Bakit daw po ako pinapata
