JOSIE
MATAPOS KO sabihin sa kaniya na gusto kong matutong protektahan ang sarili ko ay naging malamig ang trato niya sa akin. Hindi niya man sabihin ng diretso, bakas naman sa kilos niya na ayaw niya akong turuan. Pero ayokong maging pabigat sa kaniya o kahit na kanino sa kanila. Ayokong maging totoo ang sinabi ni Amihan na ako ang magiging dahilan ng pagbagsak nilang lahat.
Hindi ko mapapatawad ang sarili ko kapag may nangyaring masama kay Sancho dahil sa akin.
Nang makalabas si Sancho sa pinto na tila ba misteryo sa akin ay napatayo ako. Seryoso pa rin ang tinging pinupukol niya sa akin at nang makalapit ay may binigay siyang paper bag. Salubong ang kilay ko na inabot iyon ay kinuha ang nasa loob. Damit iyon na tila ba pang-gym at mayroon ding hand wraps na kasama. Napatingin naman a
